A vindeira semana celebraranse en Nós e en Mera dúas novas asembleas electorais abertas para elixir candidatos para as próximas eleccións municipais. O luns 14 de novembro, ás 20 horas, será na Casa do pobo de Nós e o xoves 17, ás 20 horas, no Local social da Lagoa de Mera.
As asembleas son abertas a todos os veciños e veciñas de cada localidade, para que poidan escoller libremente ás persoas que formarán a candidatura de Alternativa. Ademais das persoas que cada comisión local de seguimento propón á asemblea, calquera outro veciño ou veciña pode presentarse in situ, tal e como aconteceu en Dexo. Son os veciños e veciñas que acoden os que teñen a decisión final cos seus votos.
Ata o momento celebráronse dúas asembleas, unha en Dexo e outra en Dorneda. Os veciños e veciñas participantes elixiron a Rosa Méndez, Igor Pérez, María José Varela, José Manuel Caridad e Juan Fernández.
